Des sen jetz anfoch meine bledn Gedonkn, ohne Ausbessan oda Nochdenkn:

bin i eigntlich de anzige, de wos in ihrn Blog schreit?? Ähhh ... schreit ... also schreibt mit B, i werd jetz anfoch mol meine gonzn Rechtschreibfehla lossn und nix weg löschn, ok?

Also, wos hob i heit so getriebn? I woa mit da Biene und da Julä und hmmm noch ana, de a an Nomen hot woahscheinlich, und donn is da Toto kummen und wir woan unta da Bruckn, oba unta da nächstn Bruckn erst. Zerst woan nur de Biene und de Julä und i do und wir hom uns mit am komischn Kerl untaholtn, also mim Anton und der hot ma irgndwie Ongst gmocht, oba nuja. Und donn is da Toto kummen und is mit da Julä zum Zug aufe gstiegn und i hob echt Ongst um mei klanes Jülchen ghobt. ^^ Oba is jo olles guat gongn, nur hom se ma mei Bier weg gnummen und mir nur des Grausige glossn. Donn semma um sechs oda so zum Bohnhof und da Toto hot de Julä mim Moped obgholt, oba der woa jo unta da bruckn noch bei uns!! Wie isn des jetz passiert? I checks nerma ...
Jednfolls sen de Biene und i donn wieda zum Bohnhof und hom zwa echt liaba (oba söltsome, oba wer is heitzutoge net söltsom?) Berschn kennen glernt und des woa so lustig, weil de zwa klanere vaorscht hobn und gmant hobn, doss da Vota vom anen bei da Polizei is und doss der den onruafn werd, weil de zwa klanen graucht hobn. Und i hob echt voll lochn miasn, weil de klanen total panisch ihre Sochn zommen gepockt hobn und sie den ondaren davua drei Zigarettn gebn hom miasn, damit der ane sein "Vota" (der eigntlich Koch is) net onruaft. Wir hom uns mit denen untaholtn und sen donn zum Hauptbohnhof gongn.
So ... do hom ma mol de Karin getroffn und mit wem steht se durtn?? Mim Friz! I hob gedocht, i spinn! Oba wir hom nerma vül mit da Karin redn kennen, weil unsa Bus gfoahn is und im Bus hom ma de Tammie getroffn.

Jetz hom ma DVD gschaut (woa grausig) und momentan bin i schlecht drauf, weil de Julä den Toto hot und de Karin den Johannes (wobei des irgndwie obortig is ^^) und i hob nur mei klane Sis und des is wohl najo echt irndwie voll net so wirklich wos des ondare is und i was ebn net, wos i davon holtn soll, doss es in gonz Villach kane gscheidn Leit gibt außa i und so und de Julä, Sabsi und so weita, oba sunst bin i grod vawirrt?? Oba is jo a innerer Monolog, do is sowos erlaubt...

also, wos moch i muagn? Schul gehn ... und donn wüll i echt mol mit meina sis durch de stodt latsch und i werd muagn ka Bier trinkn, des is mei guate a Vorsatz und des werd i mochn ebn. Und jetz werd i ans trinkn gehn, damit i muagn kans trinkn muas und es erst holb zehn und de Biene is SCHLOFN gongn hob i eigntlich Latein-hausübung?? Muagn hom ma Physik, des is jo net zum Ausholtn!!

I hea jetz liaba auf mit der Kacke, meine Gedonkn sen sowieso zu schnöll für mi ...