I woa aufm Boll mit da Krissi und da Andi und es woa sooo geil! Wir hom de gonze Zeit voll obgetonzt und es woa sunst a voll genial! Wir hom schon relativ vül getrunkn, oba net so vül wie i ebn sunst imma getrunkn hob, also net besondas vül ...

Zerst hom ma de Krissi vom Zug obgholt und sen aufe gongn. Zerst woan olle im Walzersaal und do sem ma nur umma gsessn, oba wo olle kummen sen, homma de gonze Zeit voll getonzt.
Und donn hom olle Sirtacki (also des ane griechische holt ^^) getonzt und olle ebn so im Kreis, nur de Andi und i sen mittn drin gstondn und hom umma geknuscht. Nachan noch amol, weil mi so a söltsoma Kerl bled ongetonzt hot und i dem kloa mochn wollt, doss i nix von ihm wüll. Donn hot ana de Krissi ongetonzt und sie irgndwie geküsst und des woa so endgeil: sie hot uns üba sei Schulta TOTAL entsetzt ongschaut, während sie den geküsst hot! *lol* Und danoch mant se zu uns : "Wie hotn der eigntlich ausgschaut?" *lol*
Und donn hom ma holt getonzt und des woa a holbe Stund bevua ma gehn hom miasn und so a komischa Typ (der woa glab i schon a bissl betrunkn) hot ma de gonze Zeit mit seina Floschn üban Ruckn gstrichn und i jedes Mol : ó.Ô Do mant holt de Krissi zu mir : "Los, tonz mit ihm!" und i schau se bled on, oba donn sen de Krissi und de Andi aufs Klo gongn und der hot mi holt ongsprochn. Oba der hot irgndwie nur Englisch gredet. Also hob i ka Wurt vastondn und de gonze Zeit nur "ok" gsogt.
Er : "Blablabla"
I : "Ok"
Er : "Blabla!"
I : "Ok!"
Er : "Bladibladibladibladidi!!!"
I : "Okidoki!"
Er : I can kiss you!"
I : "Ok!"
*zwa sekundn späta*
I : ó.Ô
Des woa so eklig! Wäh! Danke Krissi! "Los, tonz mit ihm!" Haha! Der hot lei voll net küssn kennen und hot mir de holbn Lippn weg gebissn! Wäh! Vül zu agressiv und anfoch wäh!

Oba olles in ollem woa da Tog extrem geil! Und jetz is grod noch de Krissi bei mir und wir schaum Pocahontas (^^) und trinkn Bier, oba de Krissi is vamutlich schon eingepennt, weil i so longsom bin. *rofl*
Also, da Tog woa obakamot und meine Fiaß tuan weh! :)