Gestan woa VOLL da geile Tog!

Also: i woa zerst mit meina Sis in da Stodt. Erstmol hom ma Knuth und Mellie und Co. getroffn und donn semma a bissl einkafn gongn. Donn hom ma de Steffi und de Veri getroffn und de sen unta de Bruckn gongn. I woa mit meina Sis beim Mäki wos essn und wir hom total dumme Aussetza gschobn, i sog nur "Soukospaitz mit Eis und Carot Kacke" und des muas echt kana checkn.
Donn wollt mei Sis unbedingt Trampolin springn gehn und deswegn sem ma zum Wasnbodn obe gongn, oba des Trampolin hot natürlich net offn ghobt. Jednfolls hom ma voll de Gaude ghobt, oba irgndwonn sem ma wieda zruck gongn und hom zerst amol den Sebi mit a poa Freindn getroffn. De hom gedocht, wir wärn betrunkn, des lag vielleicht an unsam "Bio-Bello-Gassi-Gratis-Plastik-Säcke-Aussetzer", auf den wir net näher eingehn wolln (es is nie passiert! ^^)
Und unta da Bruckn woa de Peppi (Schwesta von Krissi) mit ana Freindin und vier vawirrtn Kerln. I hob de Peppi ongredet und wir hom uns zu denen dazua gsetzt und es woa voll geil, weil so a asozialer 40-jährige mit Bier danebn gsessn is und i hob ihn um Bier gfrogt und der hot mir gleich sei gonze restliche Floschn gebn. Irgndwonn sind de Peppi und ihr Freindin gongn, oba zerst hot de Peppi de Krissi ongruafn, ob se am Obnd in de Stodt kummt. Und i bin donn mit meina Sis bei den vawirrtn Kerln umma gsessn und wir woan sölbst a voll vawirrt und es woa anfoch nur lustig. Wir sin donn irgndwonn mim Bus ham gfoahn und bei da Busholtestöll woa a ca. 50-jähriga Monn, der schon TOTAL besoffn woa und de gonze Zeit behauptet hot, er wär a Polizeibeomta. Sei Frau is mit Mega-Hängetittn danebn gstondn und woa a schon ziemlicht betrunkn und mit denen semma donn im Bus gsessn und hom uns untaholtn und wir hom eigntlich de gonze Zeit nur noch glocht, also i und mei Sista.

Um siebane bin i ham kummen und um holb ocht hob i mi mit da Krissi in da Stodt getroffn. Also woa i so ca. 10 Minutn daham. ^^ Mit da Krissi woa i erstmol im Stodtcafé wos trinkn und wir hom üba Gott und de Wölt gredet. Donn wollt i natürlich mit dem Elefantn-zeigs durt obn foahn, wos sich so im Kreis dreht, do bin i mit da Julä undm Daniel schonmol gfoahn. Des woa irgndwie voll de Gaude, weil de Krissi außa da Julä da anzige Mensch is, der für sowos vawirrt genug is.
Danoch sen de Krissi und i unta de Bruckn gongn. Durtn woan de Veri und noch a poa ondrae Leit. Ane davon woa de Julia, mit der i im Summa monchmol wos gmocht hob, weil se bei mir im Dorf wohnt. Mit denen sem ma donn ins Downtown gongn und de Krissi und i hom holt noch wos getrunkn und um neun wollt da Daniel kummen, oba er woa net do. Und deswegn sem ma donn weita gongn. De Krissi wollt unbedingt, doss i ihr zag wie rauchn geht, weil sie des net so wirklich gecheckt hot. Also semma kurz ins Chopin und i hob so ane schworzn Gestoltn um Zigarettn ongschnorrt und donn semma wieda auße und de Krissi de gonze Zeit : "Woah! Du bist do anfoch so umme und host se um Zigarettn gfrogt! Woah!" ^^
Wir hom uns mit unsan Zigarettn an de Drau gsetzt und i hob ihr Rauchn beigebrocht. *lol* Woa irgndwie voll de geile Atmosphäre an da Drau untn und wir hom uns echt supa untaholtn.

Danoch woa ma beim Mäki wos essn, also Cheeseburga ebn. Wir sen mit denen den Hauptplotz aufe gongn und erstmol beim "Osterhasenexpress" auf de Gleise und de semma nochgongn und i wollt mi ins Boot eine setzn, wo da Osterhase drin sitzt, oba donn hot auf amol so a Alarmanlagen-teil geblinkt und wir sen wieda gongn bzw. wir sen sozusogn weg glofn. ^^ Und irgndwie hob i mein holbn Cheeseburga valurn, doss i am Ende nur noch a Brötchen ghobt hob. ^^
Am Hauptplotz sind jo Tische und wir (zumindest i) wolltn auf amol unbedingt do aufe und wir wollt sowieso "table dancen" (zumindest i) und sen auf de Tisch aufe.
Und beim Rothausplotz is jo so a "Wossafontäne" und i wollt auf amol unbedingt durchlafn und de Krissi mant so : "Jo, do laf ma jetz durch!" und i nimm des voll ernst und geh drauf zua und zwa Meta vua dem Teil mant se auf amol : "Na, Sissi! Woa jo nur a Scherz!" und do bin i holbat ausgrutscht und woa danoch gonz noss.
Auf amol is da Flo mit dem ondaren Kerl do daher kummen und der hot des voll gsehn ghobt und wollt mi noch amol unta des Wossa-viech eine trogn und i hob voll umma gekreischt, bis er mi los glossn hot.
Donn sind de Krissi und i zum Parkcafé aufe, weil mei Paps uns durt obholn wollt und wir sen ungefähr zwanzig Mol gonz longsom üba de Stroßn gongn. Und genau wo i grod üba de Stroßn ghopplt bin, is mei Paps daher kummen. ^^

De Krissi hot bei mir übanochtet und es woa SO a Gaude!
Und heit homma sie ebn mit offenem Vadeck ham gebrocht (*frühlingsstimmung*), oba wir werdn uns sicha wieda sehn.


So gesehn woa mei Tog echt schen und funnig, oba etwos hot ma doch imma wieda mol de Stimmung getrübt: i vamiss de Julä! Also i wüll jo net umma jammern oda so, oba i vamiss se echt echt echt echt echt total! :(
*rumhoil*