Heit bin i mim Bus in de Stodt gfoahn und da Busfohra hot mi gfrogt, ob mi da ondare echt außa gschmissn hot und wo i jo gsogt hob, hot mi der voll entsetzt und ängstlich ongschaut, als könnt i ihn gleich onspringn. ^^

Und donn hob i in da Stodt zufällig a olte Freindin von mir getroffn, de i schon ewig nerma gsehn hob. Und sie hot zu mir gmant : "Toll! Do sitzt du voll bunt ongezogn und mit ana Zigarettn in da Hond gonz alan auf ana Mauer umma, de geile Musik aus deim MP3-Playa heat man kilometaweit und donn muast du den geiln Eindruck durch a offenes Lateinbuach ruiniern, des nebn dir liegt. Echt, toll!" [*sinngemäß wieder gegeben*]
*rofL* I hob mi voll gfreit, doss i si wieda gsehn hob, de is nämlich echt lustig! ^^

Eigntlich wollt i in da Stodt de Knuth und de Mel onruafn, ob se zua Drau obe kumen. Oba in da Stodt is ma aufgfolln, doss i ka Handy dabei ghobt hob. Woa oba a net so schlimm ...

Donn bin i zu Fuaß ham gongn. I hob meine Öltan und de Gabi getroffn und de woan aufm Weg zum Christoph, des is holt a olta Volksschulfreind von mir. Zerst wollt i jo mit zum Christoph gehn, oba donn hob i irgndwie voll Lust ghobt, zu Fuaß ham zu gehn und dos hob i donn ebn a geton. Woa a ziemliche Quälerei, oba wenigstns hob i in Ruhe rauchn kennan. Immahin konn i des jo de nächstn fünf Tog nerma und deswegn hob i schonmol "vurraus" graucht. Also anfoch den gonzn Weg durch und des Packl hob i heite gekaft und i werds heite noch leer kriagn, gonz fix.

Und muagn foah i noch Tirol - waah, i wüll net! OMFG!