... heit mit meinen Öltan ins Kino. o.O

I bin sowos von glücklich ... imma noch - oda schon wieda? ^^

Jednfolls is daran a gonz besonderer Mensch schuld (naaaa, i schreib jetz sicha net ins Intanet, wer des is), der mi anfoch glücklich mocht, weil er guat ausschaut und volle liab is und total vül Hirn hot und - jetz kummts! - weil er des a von mir denkt. Also bis auf des mitm Hirn glab i. ^^

Und muagn sig i ihn wieda, oba leida erst um fünf ... des sen jo noch Ewigkeitn. Also i hob ka Ohnung, wie vüle Stundn des noch sen, oba woahscheinlich vüle. Vua ollm, weil i heit Nocht sicha net vül schlofn werd. Do spukt anfoch imma wer in meinen Gedonkn umma. ^^ Dafia werd i muagn in da Schul schlofn. ^^

Und bodn muas i jo a noch. Und dazua brauch i a bissl entsponnende Musik und deswegn muas i erstmol mein CD-Playa findn. I glab, des intressiert jetz schon kan mehr. Tjoah ... donn erklär i den Beitrog mol für beendet.

Ajo: de Julä kummt wieda in mei Schul und i intressier mi seit neuestm teilweise fürn Unterricht, also is Schul a net so schlimm. I bin de glücklichste Sissi auf da Welt. :)

I bin heit echt sowos von glücklich. :)

So a schena Tog ... so a schenes Lebn ...

I hob a Handy gschenkt kriagt vom Roman und de Julä geht noch a Joah Schul ... mei neia Stundnplan is anfoch lei geil ... i bin so happy! Sooooooo glüüücklich! Woooohoooo, i am Monat kummt de Jil schon wieda! I glab, i woa noch nie so von Freude erfüllt.

Thanks an Roman, lieb di! :)

i hätt gern Bülda von meinen doofstn Aktionen ... also durch Brunnen springen mit Jil hätt i onzubietn und donn noch Julä und i und Egon (oba des Büld hot jo de Julä) und do wär noch im Pyjama zum Mäki und sowos ... oda da Biobellogassi-gratisplastiksäcke ... aussetza ... und im Auto vuam Billa sitzn *lol* und mit Kreide Leichn auf den Bodn moln ...

Und des schaut a lustig aus: http://static3.eventshooters.com/images/fotos/sized/9760565.jpg

I bin grod happy. :)

Wenn du Recht schenkst,
dann ist es besser so.
Dummer Freiheitswunsch
war nur ein Griff ins Klo.
Ich mag deinen Duft,
wenn du nach Sklave riechst.
...
Ich bin die Waffe,
weil ich das mache,
was ich mir wünsche
und was ich will.

Der Junge mit der Gitarre - Ich bin die Waffe (geiles Liad ^^)

... is übrigens wieda Schul. o.o

Und komischaweise gfrei i mi sogoa a bissl drauf. In letzta Zeit woa mei Lebn gonz schen vawirrend und vielleicht werds durch de Schul wieda a bissl ruhiga. Und außadem gfrei i mi drauf, vua da Schul zum Mäki zu gehn, und durtn donn den Toni zu sehn und wos zu essn. ^^ Irgndwie hoff i doch, doss es während da Schulzeit so weita geht wie jetz. I hob so vül Zeit für meine Freinde und Bekonntn.

Ohne de Julä werds zwoa scheisse, oba wos soll man mochn?? I muas mi wohl oda übl damit obfindn, doss se nerma in meina Schul sein werd. Oba sie woa a Bereicherung für mei Lebn (und is es natürlich imma noch ^^) und i werd de Schul nie mehr mit den gleichn Augn sehn wie vurha.

I glab, olle Leit mit Blogs sen tot. o.O

I nimm so vül Rücksicht auf mei Schwesta und wos mocht sie? Murgn trifft sie sich mim Pirka ... nämlich genau muagn! Dabei was se jo, doss de Julä und da Roman und da Toto muagn in Graz sen und doss i somit net vül zum Tuan hob. Natürlich konn i mi a mit wem ondas treffn, oba es wär soooo schen, wenn i mi mol mit da Julä treffn kennt, wenn de Biene mim Pirka untawegs is. Mocht sie des obsichtlich?? Und mir is kloa gwurdn, doss i net so vül Rücksicht auf de Biene nehmen sollt. A bissl mehr an mi denkn wär in dem Foll wohl echt ongebrocht. Also is ma ob jetz egal, wie de Biene ihre Nochmittoge vabringt. Und wenn i wos mit wem ondas tuan wüll, donn tua i des in Zukunft a!

Außadem wollt ma muagn noch Oltaussee zum Kirchtog foahn und irgndwie wüll i do echt umme, weil i Villach grod sowos von sott hob. Übaroll sen olle aufeinonda saua. De Julä is wegn gestan aufn Toni saua und da Gigge hot deswegn a Problem mit da Julä und wüll se im Apri nerma sehn. o.O
I woa heit mit da Biene undm Roman bei da Julä. Da Roman is donn ham und de Julä zum Toto gfoahn und i woa mit da Biene noch in da Stodt. Zerst woama Mäki und donn semma ins Apri gongn, weil ma mim Toni redn wolltn. Durtn woa oba lei da Gigge und der woa net so guat drauf und deswegn wollt ma wieda gehn und donn homma den Toni im Gaffl entdeckt. Wir sen eine und de Bianca hot Geburtstog ghobt und deswegn homma zerstmol olle a Runde ongstoßn (wir sen einglodn wurdn *hehe*) und donn hom ma mim Toni gredet. De Julä hot zwoa gsogt, doss ma ihn ignoriern solln, oba i wollt des gonze aus seina Sicht hean.

I wollt zwoa noch a Runde Billiard spüln oda ins Stodtcafé gehn, oba wir sen donn doch um ölf ham gfoahn, weil ma mit de Radln in da Stodt woan und es woa eh schon so finsta.

Ajo: gestan woama in Graz, is echt a tolle Stodt! ^^

Bis jetz woan de Ferien übrigens echt endgeil. Also fad woa ma noch nie und es woa anfoch imma wos los. Am geilstn woa jo mei Geburtstog in da Stodt ... hauptsoch siebn Leit sen do uns sechs davon kotzn. ^^
Und sunst woa de Jil noch do und do semma zwa Wochn long jedn Tog fuat gongn und übahaupt sen mei Sis und i de gonzn Ferien jedn Tog fuat gongn. Disco in Oltaussee woa a Highlight, de Party in Pörtschach sowieso, Sauzipf werd i so schnöll a net wieda vagessn ... i konn mit guatm Gewissn behauptn, doss meine Ferien volle geil woan. Bis auf a poa Gschichtn (Bruno -.-), de ma im Nochhinein lad geton hobn - und anige Sochn (z.B. mit da Julä und da Biene im Sprizztime am Bodn liegn, während da Toni de nächste Runde bestöllt), an de i mi nerma so gonz guat erinnern konn. ^^

Joah ... es is bold vier und i geh jetz liaba schlofn. :)

Heit woa echt sooooooo a geila Tog! So vül Spaß hob i echt schon long nerma ghobt. :)

I woa mit da Biene in da Stodt und wir hom "Werbung" für de Biobellogassigratisplastiksäcke gmocht ... de sen nämlich vielseitig einsetzbar: als Handschuhe, als Kopfbedeckung, als Sockn und noch als gonz vüle ondare coole Sochn. xD Donn woama an da Drau und hom ausm Mistkübl an Karton außa und do homma "HAHA" aufe gschriebn, mit Kajal und Lippnstift und Wimperntusche (für an längern Spruch hot da Kajal net greicht) und donn hot sich jeda an Biobellogassigratisplastiksack aufgsetzt und wir hom uns aufn Hauptplotz gsetzt und zu olln Leitn: "Wuffwuff haha" gsogt ... da Christoph is kummen und so ane, de ma mol getroffn hobn, wo ma mit da Julä zu ihr gfoahn sen. De mant so zum Christoph, wie long er uns schon kennt und doss sie uns schon vül länga und bessa kennt und i denk ma lei: "Wer isn de bitte??" Donn bin i noch gfrogt wurdn, wieso de Biene a Palme am Kopf hot und warum i an Schnulla im Mund hob und i hob ernsthoft drüba nochgedocht ... wieso hob i an Schnulla im Mund ghobt? Weil i vawirrt woa? Woa jednfolls extremst geil ...

Donn semma weita und hom mit am klanen Kind Fuaßboll gspült. Joah, also da Christoph konn des echt guat. Und des Kind hot uns net so gonz ernst gnummen, weil wir noch Biobellogassigratisplastiksäcke am Kopf ghobt hobn. ^^ Wir wolltn den mit ins Stodtcafé nehmen, oba donn hätt ma ihn jo praktisch entführt.


A bissl traurig woa i heit oba schon ... weil de Biene am Donnerstog ka Zeit für mi hot. Zerst woa i jo fost erleichtert, weil i eh uuuuunbedingt wieda mol wos mit da Julä mochn wollt. Donn hob i de Julä holt ongruafn und so mit ihr gredet und i hob anfoch des Gefühl ghobt, doss se nix mit mir mochn wüll. Sie hots zwoa donn doch vua gschlogn, oba des hot ma zu sehr noch "Handeln aus Mitleid" geklungn und übahaupt hot sie zerst frogn miasn, ob se do übahaupt Zeit hot und donn woa i eh schon mies drauf, weil sie onscheinend wos zum Tuan hot und i de gonzn Ferien noch nie wirkliche Termine ghobt hob ... also i hob imma wos geton, oba ebn ohne Planung und i hob do echt des Gefühl ghobt, doss i nix zum Tuan hob. Und außadem is ma vua kummen, doss se do schon wos mim Toto hätt mochn wolln und des wüll i ebn a net, doss des donn wegn mir net geht ...

Also des is echt bled ... :(