I sitz grod daham und plärr mi weg ... weil i jetz irgndwie erst realisiert hob, wos los is ...

De Mum von da Julä wüll se in a ondare Schul steckn! Wos soll denn der Kack? De Julä konn in ka ondare Schul gehn! I hob se anfoch so vül lüb und wos soll i denn ohne sie tuan? Des übaleb i doch kan Tog! Nie wieda Umormungen und nie wieda irgendwölche liabn Worte und nie wieda irgenda Hoffnungsschimma und nie wieda irgendwos ...

I brauch se anfoch in meina Nähe und dos a (oda vur ollem) während da Schulzeit. Und de Julä wüll jo a net von da Schul! Wieso wolln ihr ihre Öltan sowos ontuan??

Heut warn goiler Tag! =)

Bin mit meina Sista in de Stodt gfoahn und eigntlich hätt i zum Friz lernen gehn solln ... haha, oba ols Ausred, wieso i in de Stodt muas, is des imma guat.

Zerst woa i mit meina Sis im Mäki und wir hom uns so richtig ongfressn und Sochn obe ghaut und Stühle um gschmissn und Lärm und Dreck gmocht und woan anfoch nur peinlich.
Donn wollt ma unsre Öltan callen, doss se uns obholn solln. Wir woan grod aufm Weg zur Telefonzölln, do is uns unsa Mum entgegnkummen und hot gsogt, doss se mit meim Paps noch wos Trinkn geht und wir solln noch a holbe Stund in da Stodt umma latschn. Also wollt i mit meina Sis wieda zum Mäki gehn.
Aufm Weg durthin hom ma voll den hysterischn Lochonfoll kriagt, also eigntlich woas eher a Kichern. Und am gonzn Hauptplotz woan vielleicht so zwanzig Leit und man hot uns üban gonzn Hauptplotz lochn gheat und wir hom erst wieda aufgheat, als so a olta Monn gmant hot : "Ihr spinnts oba schon schen!"
Donn sen zwa Fraun mit Hundn aneinonda vurbei gongn und de Hunde hom sich quer üba den Hauptplotz ongebellt. Mei Sis und i hom irgendwie genau gleichzeitig ongfongn voll laut mitzubelln und uns hom wieda olle bled ongschaut und de Besitza von den Hundn hom uns "asoziale Deppn" gnonnt! *lol*
Donn semma vurm Mäki gstondn und wolltn de Tür net aufmochn und so a dumme Tussn hot uns gfogt, ob ma des schon recht lustig findn. Irgndwie woan heite olle voll bad drauf, bis auf de Biene und mi.

Daham homma de Anna-mirdl gecallt und de hot uns aufgnummen, wie ma zu a poa Liadan voll mitgebrüllt hobn. Wir san voll obgongn (^^) und des Bett wär fost wieda zommen gebrochn.
Danoch hom ma Holsweh und Kopfweh ghobt und jetz schaut de Biene fern und i schreib grod den Kack do auf.

Mei Mum mocht mi grod voll wahnsinnig!

De labert mi zua, donn geht se auße und mocht de Tür zua ... fünf Minutn späta kummt se mit den Wortn "und noch wos zu dem Thema" wieda eine und labert weita.
Jetz hot se grod gmant, doss de Julä unta da Bruckn haust und do hob i wieda an de Kinda denkn miasn, de gmant hobn : "Schau, do wohnt ana!"

Jetz mant se, ob heite bin i nerma ihr Tochta und konn tuan, wos i wüll. ó.Ô

Des muas se ma erstmol beweisn ... spätestens in ana Stund mischt sie sich eh wieda in mei Lebn ein, wos nur geht. Wieso mocht se ma donn mit solchn Aussogn Hoffnungen? ^^

I werd jetzan in de Stodt fohrn und mi vielleicht mit da Karin treffn, damit ma des Referat vurbeireitn kennan.

Supa! Grod is mei Mum eine kummen und hot gmant : "Jetzt scholtest du den PC ob und gehst dei Zimma zommen ramen!"
Is do irgendwo a vasteckte Kamera oda wüll se mi anfoch so vaorschn? Kummts ma lei so vua oda widaspricht se sich sölbst? ^^

...
Sehnsucht ist das tiefe Verlangen nach jemandem/etwas, den/das man liebt und/oder begehrt. Die häufigsten Sehnsüchte sind die nach einer Person wegen Liebe oder nach einem Gefühl (z.B. Sehnsucht nach Geborgenheit).
[ Wikipedia ]


ô.Ó ...


Wenn man sich nun die direkte Relation zwischen Trieben und Gefühlen vor Augen führt, so ergibt sich doch der Gedanke, dass nicht nur die Triebe als konservativ gelten, sondern auch die aus ihnen resultierenden Gefühle einen eher erhaltenden Charakter haben. Deutlich wird dieses bei dem Gefühl der Sehnsucht, die an dem Erlebten, dem Vergangenen haftet. Die Betroffenen empfinden den Zustand, in dem sie sich jetzt befinden, als schwieriger als den, nach dem sie sich sehnen.
[ Wieda Scheiss-Wikipedia ]


Ach so, na dann! ^^
I glab, des hob i jetz wirklich vastondn. ^^
Tönt doch a so logisch! Na, echt jetz!

Jetz hob i Sehnsucht noch ana Zigarettn und am Bier und am wormen Bett und Schoki und "Date my Mum" auf MTV und lackiertn Fußnägeln. ^^

...


Des is a Büld von Bibas Page :
http://angelinajoliefan.tripod.com/index.html

Is echt voll de geniale Seitn, vur ollem bei "Traurige Sochn" ... mei Sis und i hom uns bade so richtig weg geheult, weil wir de gonzn Texte echt voll schen und trotzdem traurig findn.

Also i wüll jetzan echt ka Werbung mochn, oba de Seitn is voll schen!
Schreibts a ruhig wos ins Gästebuach, sie hots wirklich vadient!

De Biba hot sich friha gritzt, oba sie is davon weg kummen und wüll jetzt wirklich ondaren mit Problemen hölfn. Wos i a noch voll süß find : de Seitn für ihr Freundin (sie is bi), müssts ihr euch a mol onschaun!

Heit woa i mit da Julä unta da Bruckn und des gurrende Keks (damit man i de Julä) hot ma mein BH aufgmocht! ^^ Und donn wollt sie ma den nerma zua mochn! Und deswegn hob i a FREMDE Frau um Hülfe bittn miasn und de hot ma donn den BH wieda zua mochn miasn. Und a gewisses Keks-viech (i man schon wieda de Julä ... wieso nenn i se grod an Keks?) braucht jetzt net des bissl Bier als Ausred nehmen, des woa nämlich echt fost nix! Außadem woas jo net des erste Mol, doss du mein BH belästigt host! I frog mi jo, wos de Julä zu ihra Verteidigung zu sogn hot. ^^

Hier kummt jetzt de offizielle Kampfansage : wenn i de Julä des nächste Mol sig (muhaha ... *böse lacht*), donn gibt es Rache! *fies grinst* ^^

(Ok, @ Julä : Ich hab dich lieb ... *bussale*)

I bin grod voll depressiv, bitte net ansprechn. ^^

Irgendwie hob i ma wohl grod wieda Gedonkn üba mei (sinnloses) Lebn gmocht ...
I vabring fünf Tog de Wochn mit Schul gehn und in da Stodt umma gammln. I bin echt so irre froh, doss i de Julä kenn und doss i mit ihr so vül Spaß hob und de Zeit so richtig genieß und olles. Oba sobold i donn ham kumm und de Julä weg is ... jo, wos hob i donn noch? Wos wüll i ihm Lebn und wos würd mi eigntlich wirklich dauerhaft glücklich mochn? Wos is mei Ziel? Wos is ma eigntlich wirklich wichtig? Und wem bin i wichtig?

Meinen Öltan definitiv net. I bin heite ham kummen und mei Mum hot (natürlich) telefoniert und irgendwem wieda mol de Gschicht wo i beim Alex woa azöhlt. Und i bin heulend (jo, i woa/bin echt depri) bei ihr vorbei ins Esszimmer gongn und sie hot mi anfoch ignoriert. Donn is mei Paps kummen und wegn dem hot se aufglegt, weil der sich sei Essn jo net sölbst worm mochn konn.

I bräucht in meim Lebn anfoch wos Dauerhoftes. Etwos, von dem i was, doss es net so schnöll wieda vagehn werd. Oba im Lebn hölt ebn nix ewig und olles is irgendwonn vorbei. Des hob i in meim bisherign Lebn leida schon oft genug gmerkt. Is des vielleicht der Grund, wieso i nie gonz mit meim Lebn zufriedn bin, a wenns eigntlich grod schen is? Weil i was, doss es net long so bleibn werd? Und weil jeda Fehla olles kaputt mochn konn ...

Des Lebn is so kurz und mei Jugnd is eh schon fost wieda vurbei. Wenn i aufn Kalender schau, donn konn i goa ned glabn, doss seit bestimmtn Ereignissn schon so vül Zeit vagongen is. Oba de Zeit vergeht so unfossbor schnöll. Wos wird in am Johr noch do sein von dem, wos ma jetzt wichtig is? Wenn i mol drüba nochdenk, wie vüle Menschn i in meim Lebn schon aus den vaschiedestn Gründn valorn hob ... echt, es kotzt mi voll on, wie schnöll de Zeit vageht! Jeda Tog is so schnöll vorbei und es passiert anfoch nix, wos dauerhoft sein kennt oda wos de Zeit irgendwie longsoma lafn losst oda kA ...

Wenn i depri bin, nimmts sowieso kana ernst. I hob jo a eigntlich kane Probleme. I hob nur Ongst vur ollem Neuen und a Ongst davua, doss olles aufhean kennt.

Jetzt was i, wos mei Problem is! I holt mi an irgendwölchn Sochn fest und wenn bei denen wos folsch laft, gehts ma anfoch Scheisse. Wenn mei Lebn kan Sinn hot, donn suach i ma sozusogn an aus. Für dos leb i donn. I denk ma mol, doss des jeda Mensch unbewusst so mocht, oba wos bringts am? Irgendwonn gehts schief, weil olles irgendwonn schief geht. Nix is für de Ewigkeit, irgendwonn valiert man olles. Warum bin i also so dumm und moch mein Seelenfriedn an irgendam Schaß fest?

I bin echt dumm ... ka Wunda, doss i mei Lebn für sinnlos holt ...

Löle!

Also, mei Sis hot mi grod wegn meinen Testergebnissn ausglocht (wegn "Du bist zu 76% lesbisch" und weil i so a Freak bin) und jetzan is es noch net amol siebane und mir is fad.


Deswegn moch i ma grod Gedonkn üba den Sinn des Lebens und do hob i mi wieda an wos von ana ondaren ausm Internet erinnert :

"Ich möchte am Ende auf ein Leben zurückblicken, in dem ich mich verausgabt habe, in dem ich gespürt habe, was es heißt, zu leben. Einfach ein lebenswertes Leben, mit vielen Geschichten, Höhen und Tiefen, aber vor allem mit Kraft und Leidenschaft gelebt."

Meine Antwort auf des :

" Scheisse bauen, ruhig auch schlechte Erfahrungen machen und trotzdem immer daran glauben, dass das Beste noch vor einem liegt. Damit ich irgendwann mal von mir behaupten kann, ich hätte alles erlebt. Weisheit aus eigener Erfahrung gewinnen. Und dann in Ruhe und Frieden sterben können, so dass es im Endeffekt egal ist, ob man 30 oder 80 Jahre alt ist. Qualität vor Quantität, lieber intensiv als lang."

Woa wieda mol auf www.testreich.com und wüll eich meine Testergebnisse (+ Comment zu jedem Ergebnis + Lieblingsfrage aus jedm Test) natürlich net vorenthalten! =)


Teenie-Test :

Ergebnis : Du bist zu 30% Teenie.

CzE : Und i bin stolz drauf, dass ich keine CD der Backstreetboys daheim habe! Schäme mich ja schon, weil i den Namen schreibn kann!

Lieblingsfrage : Bist Du fast jeden Tag in der Innenstadt, obwohl Du da gar nichts richtiges zu tun hast? ^^


Spitzel-Test :

Ergebnis : Du bist zu 22% Spitzel.

CzE : I hob ja genug damit zu tun, mei eigenes Lebn irgendwie auf de Reihe zu kriegn, was interessiern mich die andern? ^^

Lieblingsfrage : Hast du mal während einer Unterrichtsstunde/Vorlesung einen oder mehrere andere Zuhörer darum gebeten, ruhig zu sein? (<= Haha!)


Revoluzzer-Test :

Ergebnis : Du bist zu 78% Revoluzzer.

CzE : YÖÖÖH! REVOLUTION!

Lieblingsfrage : Wusstest Du schon, dass Dein Urin sauberer ist als das Millionen von Menschen zur Verfügung stehende Trinkwasser?


Die Todesuhr :

Ergebnis : Du wirst am 9.4.2046 sterben.

CzE : What the Fuck? I wüll goa ned so olt werdn ...

Lieblingsfrage : Du wirst von einem Auto überfahren, was ist die wahrscheinlichste Ursache?


Guter-Mensch-Test :

Ergebnis : Du bist zu 39% gut.

CzE : Öhm ... eigntlich hätt i mit am höheren Ergebnis grechnet. ^^

Lieblingsfrage : Hast du in diesem Test gelogen? ^^


Unschuldstest :

Ergebnis : Von deiner Unschuld ist 42% übrig.

CzE : Is des vül oda wenig? Und wos intressierts mi?

Lieblingsfrage : Hast Du jemals irgendwelche Exkremente im Kühlschrank, Backofen oder einer Vorrichtung zur Lagerung/Zubereitung von Lebensmitteln aufbewahrt?


Geistiges Alter :

Ergebnis : Dein Geistiges Alter ist 24 Jahre

CzE : Es altert mit mir ^^ ... war doch geistig gerade noch 21!

Lieblingsfrage : Sind Dir die Fragen dieses Tests zu lange?


Homo-Test :

Ergebnis : Du bist zu 76% lesbisch.

CzE : Des is schon net wenig ... oba JEDA mog Lutscha! ^^ Irgendwie woans vur zwa Joahn noch unta 50% ... *lol*

Lieblingsfrage : Denkst Du, dass phallische Dinge schön sind? (Und denkst DU, dass ich weiß, was phallische Dinge sind? ^^)


Freak-Test :

Ergebnis : Du bist zu 79% Freak.

CzE : Irgndwie is des doch echt wenig, do hätt i mehr erwortet! ^^

Lieblingsfrage : Wer würde gewinnen, wenn es zwei von Deiner Sorte geben würde?

Gestan woa i noch da Schul mit da Julä in da Stodt (na, echt? ^^) und beim Bohnhof homma mei Sista getroffn. Mit ihr woa ma donn auf am Bohnsteig und hom voll bled umma getonzt, zu dem Kotzn-Wolza von da Julä. Zu den Bohnorbeitan hom ma noch gmant : "Na, wir sen net auf Drogn!", oba des hom se uns wohl net so gonz geglabt.

Jednfolls hom ma zerst den Toto (Juläs Froind) getroffn. Wir san de Rolltreppn grod auf und ob gfoahn bzw. in de folsche Richtung gongn bzw. ana Floschn in de folsche Richtung noch glofn. Donn is da Toto gongn und i hob de gscheide Idee ghobt, den Notstop-Knopf zu drückn. Auf amol is voll da Alarm los gongn und wir sen weg glafn.

Donn hot da Toto de Julä ongruafn und ihr azöhlt, doss er uns noch zu de Rolltreppn gehn gsehn hot, donn woa auf amol voll da Kroch und wir san panisch weg gronnt. ^^ Muas jo wohl obagenial gwirkt hobn. *gg*

I befürcht fost, doss de Julä und i irgendwonn amol Bohnhofsvabot kriagn werdn. Wir solltn mol aufhean, de Rolltreppn hin zu mochn oda de Security zu belästign oda uns üba Kotzn (^^) lustig zu mochn oda olte Leit onzuschnorrn oda des, wos man am Klo mocht, net direkt am Klo zu mochn (des woa olladings de Julä)! ^^

LG,
Süzzü (i mog den Nomen, a wenns net wirklich meina is! ^^)

...

Julä und i essn während Physik Schoko (viiiel Schoko), in der letztn Reihe natürlich. ^^
Julä : *mirschokogibt*
I : "Danke!"
Julä : *sichselbstschokogibt*
Julä : "Danke!"
Julä : "Jetzt führ i sogoa schon Sölbstgespräche!"
I : Mocht jo nix, des tuat der Lehrer jo a!"

I : "Sissi kalt!"
Julä : "Jetzt redet die Sissi von sich a schon in da drittn Person, genau wie de Julä!"

Irgenda Kerl zu meina Freindin : "Darf i amol dei Eis kostn?"
Freindin : *kopfschüttelt*
*kerlgehtweg*
Mei Sis Biene : "Also den hätt i schon mol schleckn lossn!" *grins*

I : "Biene, du bist so a Depp!"
Biene : "He, pass auf! I hob do wos sehr Hortes in da Hond!" *grins*

Reli-tusse : "Julia, wieso dauert die Fastenzeit in Wirklichkeit nicht 40 sondern 45 Tage?"
Julä : "Ähhh ... weil Jesus drei Tage tot war?"

Geoprof : "Woraus resultiert die Unterdrückung der Frauen in Indien?"
Julä : "Aus der Bibel."
Martin : "Mittelalter."
Julä : "Weil de Männa indn Krieg gongn sind ... woa do Krieg?"

Geoprof : "Karin, wo liegt Kashmir?"
Karin : *panik* "I hob meine Geosochn net do!"

I : *sarkastisch* "Ihr seid olle so nett! Die Kuah is nett, der Stift is nett, der Zettl is nett, du bist nett ..."
Julä : *zulisa* : "Die Sissi schiabt ihn grod!"
I : "Oba geh, woa doch nur a Scherz! Die Kuah is net nett, der Stift is net nett, der Zettl is net nett ..."

Irgend a Frau unta da Draubruckn : "Wärs in da Sunn net wärmer?"
Julä : "Wahrscheinliche Annahme!"

Julä : *redetüberschaufensterpuppe* "Die schaut sicha so traurig, weil sie so hässliche Sochn onhot!"
I : "A, redest du von der?" *auffrauzeigt*
Frau : *entsetzt* *blödherschaut*

Julä und i : *lachen*
*Fraugehtvorbei*
I : "Lochst du über de Frau?"
Julä : *locht* "Na!"
I : I schon!" *locht*
Frau : *entsetzt* *blödherschaut*

Julä (Julia) : "Wenn ich für jede dumme Julia, die i kenn, fünf Cent kriagn würd, donn hätt i fünf Cent!"
Lehrer : "Viel Glück!" *tätscheltihreschuler* *schautängstlich* *gehtschnelldavon*

Musikprof : "Hueter, kennst du einen Selbstklinger?"
Julä : "Radio!"

Musikprof : *zeigt uns ein Xylophon*
Musikprof : "Da haben sich wohl schon einige Schüler bedient!"
*Xylophon hat nur noch drei Klangstäbe (<= des Wort hob i gegoogelt ^^)*
I : *laut* "I wüll a ans!"

I : "Hot grod des Telefon geklingelt?"
Mei Sis Biene : "Na, des woa dei Ohrring!"

Alexa : "Wos hobts ihr jetzan?"
Julä : *habbü* "Fizzers!"
Alexa : "Na, wölches Fach?"
Julä : "Aso ... in da 3H!"

Im Billa, es geht um a Aktion, bei der die Dosn ab zwa (Stück) billiga is.
Vakäuferin : *nenntpreis*
Julä : "A, gibts do net de Aktion?"
Vakäuferin : "Jo, oba de is erst ob zwa."
Julä : "Aso ... wie spot is denn?"

Julä : *streicheltihrensack*
Julä : *übertoto* "Der is verwirrt!"

I : "Wieso schaust du denn GZSZ?" *schockiert*
Mei Sis Biene : "Weil danoch DSDS kummt!"
I : *schockiert*

I hob grad versucht, mir Kakao zu machn. Blödaweise hab ich gleichzeitig mit Jil getelt.
I zu Jil : "Also bis jetz is nur der Bodn dreckig, der Tisch is sauba!"
*2 minuten späta*
I zu Jil : "Ok, jetz muss i den Tisch auch sauba machn ..."

Is aba echt net leicht, mit einer Hand ... -.-

Dann kommt die Tasse (Kuh-tasse *lol*) endlich in die Mirkowelle (heißt des so? ja, oda?) und drei Minutn späta riechts verbrannt. I woa grad im Zimma von meina Sis, als sie rief : "Mah, Sissi! Du bist so dumm!" ^^
Die gonze Mirkowelle (heißt des so? ja, oda?) woa voller Kakao und als ich alles wieda sauba machn wollte, war ALLES voller Kakao. Jaja, so kanns gehn ...


Und als wir mit Anna (Freundin by Biene) getelt habn, hattn wir irgendwie voll den Aussetza. Kann man mit meina Sis sowieso die bestn habn (und mit julä natürlich ^^), jednfalls habn wir uns voll den geiln Song angehört ("I told you mam, i made a poo!") und mitgesungen und getanzt und Anna hat einfach aufglegt! Verstandn wir voll nicht! ^^ Habn wir sie ebn nochmal angerufn und ihr was andres vorgesungn. ^^

Irgendwie bin ich wohl zu doof für diese Sache mit den Links ... ^^

Jednfalls hätte ich da so nen Link, wo man seinen Namen eingibt und dann kommt der Traumjob.

Bei "Sissi" kommt als Ergebnis : "Hello Sissi you ideal job is a Bearded Lady in the circus!" ... hö? Und dazu kam dann dieses Bild :




Bei Süzzü : "Hello Süzzü you ideal job is a freeway light inspector!"




Da werde ich ja noch lieba Wurstverkäuferin. ^^

Doss i den Busfahrer um vier Uhr nachmittags mit "Gutn Morgn" begrüß, is ja nix Neues mehr. Aber heut hab ich aus Versehn (!) die Mum von Julä beleidigt. I woa nämlich bei da Julä zu Essn und ihr Mum hot mi gfrogt, wie mir des (waah, wie schreibt man des?) Püree (? ^^) schmeckt und i hob ebn jo gsogt. Ihr mum mant donn, dass se Püree total liebt und i man so : "Jo, des merkt man." Dazu wär vielleicht zu sagn, dass de Mum von da Julä a bissl korpulent is (wehe, du losst des dei mum lesn @ julä! ^^) und donn hot se mi ebn a bissl doof ongschaut und jo ... -.-


Und jetzt muas i noch des Missvaständnis wegn Fosching aufschreibn ... des tipp is jetz extra ob ... ok ... ^^

I woa zu Fosching grod bei da Andü und do hot mi da Manuel ongruafn und gfrogt, ob i in de Stodt kumm. I hob ihn irgendwie mit da Julä vawechselt und de gonze Zeit gedocht, er wär de Julä. Obwohl i ma zeitweise net gonz sicha woa, do hob i sogoa de Andü gfrogt, ob des echt de Julä is.
I hob ebn gedocht, de Julä wüll, doss i in de Stodt kumm. Deswegn bin i ebn los gongn, weil i jo für de Julä olles tuan würd (sogoa stundnlong durch de Költn in de Stost latschn ^^). Donn wollt i nochmol frogn, wo ma uns treffn wolltn, und hob de Julä ongruafn. De hot von da gonzn Soch natürlich ka Ohnung ghobt, wos mir natürlich a net aufgfolln is (jojo, i bin a gescheide *lol*). I hob mi nur gwundert, weil da Manuel so geklungn hot, wie de Julä betrunkn klingt. Deswegn hob i zerst, also wo i des erste mol mim Manuel gredet hob, gedocht, doss es a betrunkene Julä is. Und donn woa i voll vawirrt, weil de Julä donn jo doch wieda so normal geklungn hot.
Des mit da Organisation woa net so anfoch (in dem Foll jo wohl vaständlich ^^), weil da Manuel imma mi ongruafn hot und i imma de Julä ongruafn hob, weil i den Manuel jo imma noch für sie gholtn hob. Mitm Manuel hob i ebn ausgmocht, doss ma uns beim MCi treffn und fünf Minutn späta ruaft de Julä on und frogt, ob i jetz zua Schul aufe kumm oda net. Do woa i schon leicht irritiert.
Irgendwonn hob i donn de Idee ghobt, doss mi jo da Toto (Juläs Freind) obholn kennt, do hob i grod mim Manuel gredet ...

I : "Konn mi net anfoch da Toto obholn?"
Manuel : "Wer is da Toto?"
I : *entsetzt* "Dei Freind??"
Manuel : "Der hot doch ka Auto und außadem hast der Micheal!"
I : "Höö?"

I hob echt gedocht, de Julä sitzt irgendwo betrunkn mit am Michael umma und hot voll ka Ohnung mehr von nix!
I woa donn holt beim MCi und da Manuel is kummen und hot mi mit "Endlich treff ma uns!" begrüßt und i hob ma lei gedocht : "Wo is de Julä und wieso san heit olle Leit so bekifft?"
I hob donn zum Manuel gsogt, doss er mi ruhig noch begleitn darf, weil i mi jetz mit da Julä triff (der muas sich a gwundat und vaorscht gfühlt hobn ^^) und wo i de Julä donn getroffn hob, hob i se gfrogt, wosn am Tele mit ihr los woa und sie hot sich sicha a üba de Frog gwundat und hot sich gfrogt, wos am Tele mit mir los woa ...

Am Obnd bin i donn mit da Chrissü, Andü und Söckö in de Stodt gongn, do hot da Manuel schon wieda ongruafn und i hob schon wieda gedocht, doss es de Julä wär. Des woa olladings noch meim "Treffn" mim Manuel, deswegn hob i sei Numma schon gspeichat ghobt und hob gwusst, doss es sei Handy woa.

I : "Heee, wo bistn?"
Manuel : "Im Kino?"
I : "Wieso bistn beim Manuel?"
Manuel : "Hö?"
I : "Egal (weil i gedocht hob, de Julä is betrunkn) ... richt dem Manuel ebn liabe Grüße aus!"
Manuel : "Hö?"
I : "Najo, is jo immahin liab, doss du des Handy vom Manuel benutzn darfst, oda?"
Manuel : ... *schweigen*
I : "Und wos mochst du jetz noch?"
Manuel : "Ham foahn?"
I : "Zum Toto ham?"
Manuel : "Wer is da Toto?"
I : "O mein Gott! I hob gedocht, da Toto wollt da kan Alk mehr gebn!"
Manuel : "WER ISN JETZ DA TOTO?"
I : *stutzig* "Wer bistn du?"
Manuel : "Da Manuel?"
I : *esdämmert* "Julä?" (bei mir dämmerts imma longsom *rofL*)
Manuel : "Na, M-A-N-U-E-L!"
I : "Aso ... hob i heite schon amol mit dir telefoniert?" (es dämmerte wirklich! -.-)

Olles in ollem sehr verwirrend ebn. ^^

So, jetz tuat mei Hond weh. Oba des woas wert. ^^


Und jetz noch meine zwa Lieblings-aussogn von meina klanen Sista :

Wir hom Titanic gschaut und de Rose is grod zitternd auf da Tür glegn. Do hob i mi mit da Biene ebn drüba untaholtn, wieso se kan Plotz fürn Leo mocht und de Biene mant so : "Wenn i auf da Tür liegn würd, würd i dauernd so geschmocklose Witze mochn, wie zum Beispül : Kumm doch aufe, Jack! Sunst dafrierst noch!"

Und am End mant de Rose jo so : "Ich habe nichtmal ein Foto von ihm. Er existiert nur noch in meiner Erinnerung."
Und de Biene wüll beim Erklärn des Aussehens hölfn : "Er schaut aus wie da Leonardo DiCaprio!"

*rofL* I hob mi so obglocht! Des woa fost so guat wie ihr "den würd i schon mol schleckn lossn" - aussetza im Summa. Jojo, mei Sis. Imma für an Locha guat und wenn man sie lei auslocht.

So, i geh jetz pennön ... oda wos essn. ^^

Gute Nacht, HEL,
Sissi!