Jetz äußer i mi a mol wieda dazua.

Öhm ... ^^

Is gonz lustig zur Zeit. Najo, eigntlich net. Oba muagn geh i mit da Biene einkafn und Glühwein trinkn und Eis lafn. Und donn sauf ma uns zua und donn losst sie sich Ohrringe stechn. ^^

Und von Freitog auf Somstog hot da Roman bei mir übanochtet. Woa a total schena Obnd und a total schene Nocht und a total schena Morgn. *lol* Anfoch schen holt.

Letztes Weekend woa i beim Knüppelfest in Arnoldstan und do sen de Biene und de Julä und i mittn in da Nocht totaaal besoffn bei da Polizeistation eine und hom de Bulln do drin gfrogt wo man Kebab kafn konn. ^^ Donn homma a bissl mit denen gredet und se vaorscht und danoch semma zum Kebablodn und do woa a Frau, de jedn von uns auf 2 Kebab und a großes Bier einglodn hot.

Den Freitog geh i mim Roman ins Kino und am Somstog foahma olle noch Arnoldstan zum "Adventsingen", do spüln Madog und de Müllionäre. Werd anfoch endgeil.

Lateinschularbeit, Englischarbeit und Geotest und Physiktest - also longweilig werd ma a net, weils schulisch grod voll stressig is.

Najo, des woas mol von mir. Jetz hobts ihr wenigstns mol wieda sowos wie an klanen Überblick wos i den gonzn Tog so moch. Vielleicht hot sichs jo a wer durchglesn.

Lieb ja alle. ^^