Gestan woa so a geila Tog! De Karin hot Geburtstog ghobt und woa am Obnd in da Stodt! Also zerst hom da Johannes und sie Tonzkurs ghobt und i hob mit da Biene auf sie gwortet und wir woan unta da Bruckn und hom den Simon und noch wen getroffn und donn sen da Marco und noch a poa kummen und wir hom Gin getrunkn. ^^

Donn woa da Tonzkurs aus und da Roman (mei obertoller Freund) is a kummen. Donn sen noch da Christoph und sei Freundin kummen und da Georg woa a dabei und wir sen olle ins Stodtcafé gongn. Da Chris und sei Freindin sen donn gongn und wir hom ane Monatsgetränke (Whiskey Cola) getrunkn und da Roman hot da Karin a ans gezohlt und sie hot sogoa a bissl wos getrunkn. ^^ Irgndwonn semma olle ins P2 weita gongn und danoch woama inna Tequila Bar und olle woan schon recht lustig drauf. Homma durtn jo unbedingt noch a poa Rundn Jägermeister trinkn miasn. ^^
Donn is de Julä kummen. Maaa, de woa a schon a bissl betrunkn, weil se zerst Eishockey woa. Wir hom voll de Gaude ghobt und a getonzt und so. Anfoch lei mehr geil ... und de Karin woa ziemlich betrunkn, obwohl sie fost nix getrunkn hot. Oba bei ihrer Statur is des jo ka Wunder. ;)

Nachan semma noch amol olle ins Stodtcafé gongn und es woa durtn a noch recht lustig. Najo ... bis auf a poa Klanigkeitn, wegn denen i daham so ungefähr 2 Stundn gepleat hob. Oba davon loss i ma de Erinnerungen an de Nocht net ruiniern. xD


Heit hom da Roman und i unsa Einmonatiges ghobt. Woa a schena Tog und i lieb ihn. :)

Und muagn foaham olle noch St.Veit zum Wiesnmorkt. ^^