Am Freitog foahn mei Schwesta und i mim Christoph (und evtl Julä und Toto?) Sauzipf und am Somstog hot da Bruada vom Paul Geburtstog und bei seine Party spüln de Müllionäre ... und do gehma natürlich a hin. :)
Des wean zwa voll geile Toge mit vül Obrockn und vüüüül trinkn und feian und i gfrei mi schon total. Jetz hoff i lei, doss wir donn beim Sauzipf zöltn diafn, sunst mias ma nämlich mittn in da Nocht mim Zug ham foahn.

Und bold hob i Geburtstog! :) De Biene mant, doss sie und de Julä und da Toto und da Toni und da Gigge a Party für mi planen wolln ... a mit vül Obrockn und vüüüüül trinkn und feian. ^^ Mol schaun, ob sie des hin kriagn - jednfolls gfrei i mi schon auf mein Geburtstog. xD

Irgndwonn foahma donn noch Oltaussee zu meina Oma. Des wär jo eigntlich voll unlustig, oba zufällig is genau do wo ma hinfoahn bei denen da Kirchtog und der is jedes Joah voll lustig, sen nämlich voll de kamotn Leit durtn.

Und donn semma noch bei meina Uroma in Konstanz, weil se Geburtstog hot. Und des werd soooooo geil, weil genau do wenn ma bei ihr sen, is in Konstanz "Rock am See" und do konn i vllt mit meina Schwesta hin! Also natürlich mias ma des olles noch planen und wir mias ma erst schaun, ob des olles so wirklich kloppn werd, oba es wär auf olle Fälle geil.


Heite woa i mit meina Schwesta am See und am Obnd in da Stodt (wir sen mim Radl eine gfoahn *sportlich*) und zerst woama im Apri wos trinkn, donn a Runde Billiard spüln, donn homma kurz an Freind besuacht und natürlich woama noch im Mäki ... woa jednfolls a ziemliche Gaude. ^^


Maaaaah, meine Ferien se irgndwie so geil. xD Hoffntlich endn de nie ... vua ollm weil i ma a neies Schuljoah ohne de Julä voll net vuastölln konn. :( Oba jetz sen jo zum Glück noch Ferien und de sen anfoch lei endgeil und i gfrei mi schon voll auf olles, wos noch so passiern werd.
Joah, mei Lebn is schön. :)