Auf meinen Sockn is "Das sind Schuhe" gstondn und damit bin i mit da Julä durch de Stodt glatscht, in da Pause hom ma an Stift kafn miasn oda wir sen zum Wifi in de folsche Richtung gongn oda wir hom unsre Schuhe austauschn miasn. I sitz gern am Radweg am Bodn und bin dumm. Unta da Wossafontäne fühl i mi so richtig wohl und mit da Julä geh i a gern noss durch de Stodt.


I kenn de Julä schon seitm Turnvarein, also seit i sechs woa! Sie woa nämlich beim Stufnwettkompf in meina Riege und i was noch, doss ma uns domols sauguat vastondn hobn! I konn mi echt, echt, echt bis heit an des erinnern! Wenn i on mein erstn Stufnwettkompf denk, kummt ma schon imma a klanes, aufgedrahtes Mädchen mit zwa Zöpfn und ana Brülln in den Sinn, auf dessn Schoß i gsessn bin und vasuacht hob, mi möglichst leicht zu mochn. ^^ Und des Mädchen woa de Julä! I was noch, doss sie mit mir imma gonz am Rond von da Bonk gsessn is und doss i meine Übungen imma so schnöll wie möglich gmocht hob, damit i mi wieda zu ihr setzn konn. I glab irgndwie imma noch net, doss des echt de Julä woa, des is so krass! Oba i woa heit bei ihr und wir homs auf Video gsehn und i bin ma anfoch gonz sicha, doss sie de woa, de ma domols echt so getaugt hot. Und i wollt echt mit ihr befreindet sein domols, weil i se so richtig endgeil gfundn hob, oba sie is donn nerma kummen und deswegn woa i echt traurig. Jednfolls find i des anfoch genial: domols woan total vüle Mädls in unsra Riege, oba i bin eigntlich imma nur bei da Julä umma gsessn und sie bei mir und wir woan holt beim Wettkompf voll unzertrennlich und des Orge is jo irgndwie, doss i des olles noch so waß. Es kummt ma vua wie gestan, doss ma do zommen auf da Bonk gsessn sen.

Ihr miasts eich mol vua stölln, wie i mi heit gfühlt hob: i sitz so do und denk ma holt, doss i gleich de Julä sehn werd und donn tauch i auf amol auf und setz mi nebn sie und während wir uns des ongschaut hobn, hob i mi echt voll an de Situation erinnern können (wo sie sich dohin gsetzt hot, wo i sitzn wollt ^^) und mir is auf amol kloa gwurdn, doss de JULÄ des ane Mädchen von domols woa ...

Ok, schen longsom solltn olle vastondn hobn, doss i des irgndwie voll unglaublich find. Oba des liegt wohl dron, doss i mi imma an mehr Sochn erinnern konn als ondare Leit. Es wundert mi jo fost, doss i mi nerma an de Schwongaschoftsgymnastik von meina Mum erinnern konn, de hot se nämlich zommen mit da Mum von da Julä ghobt. Und irgndwie hob i schon imma des Gefühl ghobt, doss i de Julä schon ewig kenn und nuja ...

Also i lieb de Julä voll und des hot mi heite voll "gschockt" ^^ und jetz geh i erstmol duschn und donn fernsehn, is jo schon holb zwölf ...

Bussale,
Sissale! =)