Wir woan grod im Kino und donn mit da Lisa untawegs, also sie is gfoahn und auf amol woa ma irgndwie irgndwo und hom ziemliche Panik ghobt. ^^ Oba zerst woa ma im McDrive und des woa des schenste Erlebnis meines jungen Lebens! *lol* I hob mi im Auto echt so obglocht, wir woan nämlich in Kleinsattl oda so und i setz mi nie wieda zur Lisa ins Auto! Do hot man jo Todesongst!

Da Fülm woa total sponnend und lustig und olles und de Lisa hot natürlich am lautestn glocht und wir hom Ongst um de ormen Viecha ghobt und hom uns wimmernd aneinander gedrückt und de Biene hot fost geheult! ^^ Und eigntlich wolltn wir den Daniel treffn, oba des hot net so gonz gekloppt. Vielleicht hätt i des Handy mitnehmen solln. ^^

Da Tog woa geil ... und muagn werd noch bessa! :)

Irgndwie geht de Uhr folsch! Es is schon kurz vua 12 ... najo, egal ...

Hob grod Todesängste ghobt! Weil de Lisa uns ham gebrocht hot ... ^^

Woa mit Lisa und Biene in da Stodt und es woa voll gaudig. Zerst woa ma einkafn und Biene und i sen Osterhasnexpress gfoahn und beim Billa hot a olte Frau mit mir üba des Auto gredet, zumindest hob i des geglabt. ^^ Also: Aussetza sen genug gschobn wordn. Und im Auto vurm Billa hob i de Stöffö getroffn und sie hot gmant, währendm Eis essn darf man net Auto foahn. Und wir woan mit da Lisa beim HundM (^^) und de Biene und i hom se donn in ana Gassn gsuacht und irgndwie net gfundn. *lol* Muas jetz olles kana vastehn, woa jednfolls olles ziemlich gaudig und vawirrt. ^^

Und donn homma uns an de Drau gsetzt und Bier mit O-soft getrunkn und de Steffi und Veri und Susi und Mem getroffn und de Jude und den komischn mit den schworzn Hoan und den blauen Augn.

Donn semma noch zum Spülplotz und danoch hot uns de Lisa im Mercedes ham gebrocht und is donn noch amol los, um unsre Öltan obzuholn. "Intelligenztest: Windschutz in den Kofferraum kriegn" ... hamma bestandn. ^^ Oba der ane hot uns so komisch ongschaut, als würd ma des Auto klaun wolln oda so. ^^


WO IS DE JULÄ??
Jetz hob i sie schon ewig nerma gsehn und de ondan vamiss sie a schon voll! Oba sie vamisst uns olle anscheinend net so wirklich, najo ... =(
I man, i hob jo wohl heite zum Beispül total den Spaß ghobt und i hob a irgndwie genug Leit, mit denen i wos mochn kennt (muagn geh i mit da Lisa furt, des werd sooo geil, weil sie sich für mi extra an Ausweis mochn losst! und vllt. kummt de Krissi oda de Stöff mit da Jules mit ...), oba i wüll zu meina Juläää! *jamma* ^^ :)

Jetz reichts! I vamiss de Julä jetz nerma! So! Pah!
Wer bin i denn, doss i sie vamiss, wenn sie net amol auf meine SMS ontwortet und anfoch auflegt, wenn i sie onruaf?? Do hob i doch wohl wirklich wichtigere Probleme, als mi zu frogn, wieso des ebn so is und so ... hhhm, komischa Sotz. ^^

Jetz konn i üba den Sotz nochdenkn und brauch nerma an de Julä denkn. *lol* Hot der Satz mi übahaupt noch lieb? Oda denkt der Satz nur noch an den Toto? Und wo is der Satz? Wieso möldet der Satz sich net? Liegt der Satz tot im Stroßngrobn?
Hhhhm ... irgndwie funzt des net so mitm Satz als Julä-ersatz zum Nochdenkn ...

Und heit obnd gehma ins Kino, ice-age onschaun ... wos ma eigntlich gestan tuan wolltn, oba egal. ^^