Jetz hob i de Julä schon drei Stundn nerma gsehn und werd se erst in zehn Stundn wieda (i frog mi grod, ob i richtig grechnet hob) und a wenns dumm klingt: i vamiss sie voll!

Heit woa i mit da Julä an da Drau a bissl Bier trinkn und wir hom üba olles Mögliche gredet und irgndwie hot ma des voll guat geton. Donn woa ma bei da Meisterfeier vom VSV und des woa total lustig, weil de Julia (also net de Julä, sondan de Julia ^^) voll lustig drauf woa und wir de gonze Zeit umma getonzt hobn und uns zwischn de Leit eine gsetzt hobn und es woa anfoch voll lustig.
Oba leida hob i voll früh ham miasn und jetz sitz i daham und hob erstmol da Karin (*lol*) und da Julä a Mail gschriebn und bin jetz ziemlich depressiv, weil meine Öltan mi onzipfn und i de Julä vamiss und mir fad is und i mi sölbst grod voll net ausstehn konn und des mocht mi olles grod irgndwie voll fertig.

Eigntlich miasat i Physik lernen, weil i muagn Test hob ... oba i hob net amol ane Untalogn zum Lernen und deswegn geht des a net so wirklich, also werd i muagn während Deitsch lernen.

I wollt grod mit meinen Öltan diskutiern, oba de schrein nur bled umma, weil i jo ongeblich so schlimm bin und olles. Maah, de kotzn mi so on! I wüll anfoch nur noch weg von daham, i holt des nerma aus!