Heit woa irgndwie a obageila Tog!

Also noch da Schul woa i irgndwonn mit da Julä und da Conni beim Billa (mir kummt vua, zwischn Schul und dem woa a noch wos, oba des was i nerma) und donn hom ma den Flo wieda getroffn und der hot uns Bier spendiert und is donn wieda gongn und wir hom uns on de Drau gsetzt und durtn woan holt echt vüle Leit und es woa a Gaude.
Donn hot de Julä zu am Vurstöllungsgespräch (oda so ^^) miasn und se is a Stund zu spot kummen und hot ausm Mund sicha ziemlich noch Bier gstunkn.
De Steffi und de Veri sen a vurbei kummen und hom sich zu uns dazua gsetzt und i hob a bissl mit denen gredet, oba donn hom se ham miasn.
Wo i zum Bus gongn bin, hob i den Daniel getroffn und wir woan beim Mäki und i hob holt zu ihm gmant, doss er mir an Cheeseburga kafn soll (i was, i bin liab ^^). Donn geh ma so zum Bus und i man, doss er ruhig de Hölftn von meim Chicknburga (hob mi varedet ^^) hobn konn und er so : "Chickenburga?" Und i : "A na, Cheeseburga man i!" Und er : "Cheeseburga?" Jo, i hob an Hamburga ghobt, so konns gehn ... i was, sponnende Gschicht. ^^

Donn hob i noch de Kerstin (i glab, de hast so ^^) getroffn.
Und muagn triff i mi um ans mit zwa Mädls von heite an da Drau. Jo, de ane hot ebn Knuth ghaßn, ka Ohnung wie man des schreibt und da ondare Nome woa so normal, doss i ihn vagessn hob. Und de hobn ebn gfrogt, ob i muagn wieda untn an da Drau sitz und i hob natürlich jo gsogt und jetz muas i muagn vua ans aufstehn!

Im Bus woas SO GEIL! I bin holt nebn da Pia gsessn und de is echt kamot drauf, weil se bei voll vüln Sochn de gleiche Onsicht hot wie i, semma drauf kummen. Wir hom a genug Zeit zum Redn ghobt ... i hob nämlich aufs Klo miasn (jo, schon wieda ^^) und donn hob i holt so umma gestöhnt : "AAAH, i muas aufs Klooo!" und de Pia hot voll den Lochflash ghobt und donn hom ma de gonze Busfohrt nur noch glocht. Und zerst hot da Busfohra gfrogt, ob i an Doktor brauch. Donn hot er gmant, an Mucks noch und er haut mi auße. Oba i wollt de Pia ebn noch in den Waschmaschinen-Club (hob i heit mit da Julä gegründet ^^) aufnehmen und deswegn hot se ebn schrein MIASN! Wir san gonz schen bled ongschaut wurdn, weil i ebn so zu ihr gmant hob : "Ich bin eine Waschmaschine!" und sie : "Ich bin eine Waschmaschine!" *rofL* Und i : "Schrei" und sie : "WUAAAAAH!"
Und do hot mi da Busfohra nochm holbn Weg auße gschmissn. Dabei woa außa uns eh nur noch a olte Frau im Bus, de de gonze Zeit zu uns gmant hot : "Da Bus gheat net eich alan! A Frechheit! Da Bus gheat net eich alan!", als würds sies von am Zettl oba lesn. ^^
De Pia is holt a ausgstiegn, weil se mi net alan gehn lossn wollt. Oba i hob jo so dringend aufs Klo miasn! Deswegn semma zur Sammy gongn und i woa bei ihr am Klo und de hot uns voll bled ongschaut. ^^ Als wär se noch nie ausm Bus gflogn ... ^^
Donn semma ham gongn und hom uns de gonze Zeit nur noch obglocht, weil ma den Busfohra und de olte Frau vaorscht hobn (wir gründn an Sölbsthülfeverein für genervte Busfohra, obwohl er nur so an Scheiss-Job hot, weil er zu dumm zum Lernen woa ... und de olte Frau hot vüle imaginäre Kotzn, mit denen se Tee trinkn konn und denen se von ihrn Zettln vurlesn konn : "Ihr seids net alan im Bus! Er gheat eich net!") und holt üba Gott und de Wölt gredet hobn und ihr Tog is a vorbei, wenn se ham kummt, des hot mi irgndwie echt aufgmuntat. Jo, also de Pia is echt voll geil drauf und total liab. Und heit in da Stodt hot se mit ihrn Freindinnen a Floschn Tequila und sunst noch wos gekaft. Ka Ohnung, wos damit passiert is ... getrunkn hot ses jo ongeblich (noch) net, oba wer was. ^^

Und zu Ostan kummt de Jillie, do gfrei i mi a schon voll drauf. I hob grod vurhin ewig mit ihr getelt und ihr mei Herz ausgeschüttet. ^^